Warning: "continue" targeting switch is equivalent to "break". Did you mean to use "continue 2"? in /homepages/10/d659205889/htdocs/clickandbuilds/Purna/wp-content/plugins/qtranslate-x/qtranslate_frontend.php on line 497

Warning: Parameter 2 to qtranxf_postsFilter() expected to be a reference, value given in /homepages/10/d659205889/htdocs/clickandbuilds/Purna/wp-includes/class-wp-hook.php on line 288
Purna | Purna

Warning: Use of undefined constant all - assumed 'all' (this will throw an Error in a future version of PHP) in /homepages/10/d659205889/htdocs/clickandbuilds/Purna/wp-content/themes/temapurna/functions.php on line 11

Purna

PURNA somos un movimiento popular chovenil aragonés, feminista y anticapitalista. Treballamos per la construcción d’un futuro digno t’a choventut d’o nuestro pueblo, dende es barrios y las comarcas. Lo nuestro nombre, “Purna”, ye toda una declaración d’intencions do que queremos ser; “a purna que se torna flama” 😉

Lo nuestro treballo s’estructura arredol de tres eixes principals de luita:

Autodeterminación – Per las suyas singularidatz culturals, historicas y socials, entendemos que Aragón constituye una nación, actualment sozmesa a las incherencias d’o Estau espanyol. Iste mos oprime cultural, social y economicament y fa de correa de transmisión d’o sistema capitalista-heteropatriarcal en la nuestra tierra. En PURNA apostamos per la construcción d’un Aragón libre, con sobiranía ta chestionar es suyos propios recursos y ta decidir sobre lo suyo propio futuro.

Feminismo – Garra transformación social ye posible sin lo feminismo y lo paper protagonista d’as mullers tanto en la suya propia liberación como en cualsiquier aspiración revolucionaria. Mos declaramos ubiertament feministas perque creyemos que lo feminismo ye l’aina adequada t’acabar con las opresions sexuals y de chenero que lo sistema heteropatriarcal perpetúa en la nuestra sociedat.

Poder popular – Un d’os eixes centrales de la nuestra luita ye la superación d’o sistema capitalista actual, que oprime a la clase treballadora endrezando-la t’a pobreza y viendan-do-le de la suya dignidat. Luitamos per l’emancipación d’a clase treballadora y per la construcción d’una sociedat sin clases socials.

Amés, treballamos tamién temas como l’antifaixismo, l’ecolochismo y la desfensa d’a tierra, lo internacionalismo, la liberación LGTBIQ+, la desfensa d’a cultura y lenguas propias, etc.

Historia

PURNA naix en 2010 como resultau d’o proceso d’unificación que la choventut independentista aragonesa heba escomenzau ta articular-se arredol d’un unico prochecto politico. Dica ixe momento, las y es chovens d’o nuestro país s’organizaban tanto en Chobenalla Aragonesista, como en Astral. Zaga la unión, PURNA se consolida como la organización chovenil unitaria d’o sobiranismo convirtiendo-se en lo colectivo aragonés més potent a nivel chovenil en la nuestra tierra, con més d’un centenar de militants organizadas en las diferents comarcas d’o país.