Creemos que només achuntando totas las luitas que se dan al nuestro territorio se puede formar un movimiento que nos done voz a totas e que sia capaz de provocar un cambio produndo en la sociedat. Per ixo dende Purna lanzamos en chunyo de 2017 la campanya “unir las lluitas enta la rebelión chovenil”. Lo suyo primer obchetivo ye de reivindicar la construcción d’un movimiento chovenil interseccional a Aragón que faya frent a una politica que no escolta las demandas d’a choventut e a la desmovilización que se deriva d’ella.
Lo suyo poder s’asienta en lo nuestro miedo, en la nuestra indecisión, en la nuestra división… pero ara encomienza una nueva etapa e las chovens aragonesas hemos decidito d’aunar fuerzas pa logar-lo, perque unitas somos més fuertes.
La choventut nos hemos acostubrato a pensar que no podemos fer res pa cambiar las cosas, que lo nuestro paper a la sociedat e en la politica ha d’estar de tot pasivo, per no ye així, nos permitiremos que no sia així. Nos han quiesto convencer de que la nuestra parola e es nuestros actos no valen cosa, que lo unico que podemos fer ye formar-nos baixo las suyas normas e lo suyo sistema pa aconseguir una vita millor que sabemos que nunca no arribará.
Nos han feito creer que somos la cheneración d’o futuro p afer-nos oblidar que somo las protagonistas d’o nuestro propio present. Pero si nos unimos e luitamos juntas podemos cambiar las cosas dende ya. Ye lo nuestro ara e lo nuestro aquí lo que debemos impugnar, cuentra lo que debemos rebelar-nos. Res d’ixo será posible se no comenzamos a fer es pasos adecuatz. Ye lo momento de prener conciencia que si cada una desenrollamos la nuestras respectivas luitas sin tener en cuenta a la resta no aconseguiremos avanzar. Ye necesario de trencar l’apatía en la que nos han sumito e prencipiar a construir qualcosa nueva. Ye necesario d’unir totas las luitas enta la rebelión chovenil.
