Per la libertat / por la libertad / per la llibertat ye una iniciativa impulsata en aviento de 2017 dende difetents sectors d’o movimiento popular aragonés, con una perspectiva sobiranista, anticapitalista e feminista.

Esta iniciativa naix con l’obchetivo “d’interseccionalizar” lo 20 d’aviento, data que reconeixemos como Día Nacional d’a Luita Aragonesa. D’esta manera miremos de remarcar la importancia d’a unidat d’as diferents luitas que se desenrollan a la nuestra tierra, alguna especifica d’aquí e altras compartitas con altros pueblos.

Las organizacions impulsoras d’a iniciativa Per la Libertat fueron Purna (organización chovenil), Puyalón de Cuchas (organización politica), Red Roja (organización politica), Komando Feminista (organización feminista), Anticapitalistas (organización politica), Aturando Yesa (grupo d’acción mediatica cuentra lo Pantano de Yesa), Rasmia (asamblea per la democracia e lo dreito a decidir) SOA (sindicato), CUT (sindicato), CATA (sindicato) e SASA (sindicato).